బొక్కలెన్ను వారు...!!

"బొక్కలెన్నువారు తమ తిక్కలెరుగరు...నిక్కమైనదోయి కుక్క తోక"
"వెర్రోహం ఇదేం పద్యం శిష్యా!"
"వెర్రిపద్యమనుకోండి గురూ!"
"ఓహోహం! ఇలా వెర్రిపద్యాల విపర్యాసం ఎందుకు సంభవిస్తోంది శిష్యా!"
"కాంగ్రెస్ నేత, ప్రిన్స్ డార్లింగాఫ్ మేడామే సోనియా, రాహుల్ గాంధీ బాబు చరిత్రకు కొత్తర్థాలు చెబుతున్నాడుగదా గురూ?"
"కాంగ్రేసు పార్టీలో చరిత్ర లేనోళ్లెవ్వరురా!"
"అహో...అహో...విలవైన మాట. మీకు తెలిసిన కొద్దిమంది చరిత్ర పురుషుల్ని పేర్కోండి గురూ!"
"నువ్వో సంధర్భం చెప్పు. చరిత్రల్ని విప్పుతా!"
"ధన్యోస్మి! ఈ మధ్య, మధ్య ప్రదేశ్ లో రాహుల్ బాబా ఆరెస్సెస్, సిమి రెండూ మతపిచ్చి ఉగ్రవాదులే అన్నాడు గురూ!"
"వెర్రోహం! రాహుల్ బాబా అతి తెలివి అమాయకుడు శిష్యా. అందుకే అలా అన్నాడు. సల్మాన్ ఖుర్షీద్ మాత్రం గింజుకు చచ్చుంటాడు!"
"అదెందుకు గురువా? కొంపదీసి ఈ సల్మానుడు చరిత్ర పురుషుడేనా?"
"అనుమానమేలరా అక్కుపక్షి శిష్యా! సిమి ని బ్యాన్ చేసినప్పుడు వారి తరపున వకాల్తా పుచ్చుకొని కోర్టులో వాదించిన ఘన చరిత్ర సల్మాన్ ఖుర్షీదుదేరా"
"ఛా! నిజంగానే?"
"అవును శిష్యా! కానీ హిందువులకు మతిమరుపెక్కువ. రాహుల్ బాబా మాటలతో ఇప్పుడు ఆరెస్సెస్సును అనుమానంతో చూసినా చూడగలరు. పరంతూ సల్మాన్ ఖుర్షీద్ మాత్రం మైనార్టీల అభివృద్ధి మంత్రిగా సిమి తరఫున వాదిస్తూనే వుంటాడు."
"ఆహా! కాంగ్రేసుది నిజంగా సెక్యులర్ చరిత్రే గురూ!"

"గురూ! అయోధ్య తీర్పు గురించి అడితే రాహుల్ బాబా ఏమన్నాడో తెలుసా!"
"నీ నోటితోనే చెప్పు శిష్యా..నా చెవులారా వింటాను"
"జన్మస్థానం హిందువులకే చెందేట్టు తీర్పు వచ్చినా మసీదును కూలగొట్టినవాళ్ళు నేరస్తులే! శిక్ష పడాల్సిందే అని అంటున్నాడు గురూ!"
"వెర్రోహం! రాహుల్ బాబా కంటద్దాల పవర్ పెరిగినట్టుంది శిష్యా"
"మీ రహస్య, సాంకేతిక భాష అర్థం కాలేదు గురూ!"
"అది కాదురా శిష్యా! రాహుల్ బాబాకి విచారణ జరుగుతోన్న కేసు బానే కనబడుతోంది కానీ ఉరిశిక్ష ఖరారైన అప్జల్ గురూ కేసు అగుపట్టం లేదురా. వాడి క్షమాభిక్ష దస్త్రాన్ని బలంగా, భద్రంగా తమ పీఠం కింద పెట్టుకొన్నది బాబా ప్రభుత్వమే గదురా!"
"అర్రెర్రే! హుర్రెర్రే! భలే లాజిక్కు లాగారు గురూ!"
"హుహుహు! వెర్రోహం! ఇల్లాజికల్ చరిత్రలకు ఐదో తరగతి ఐక్యూ చాలురా"

To read more articles from Durbhini...Click Here