నాలుగో పుట్టినరోజు

4th anniversary of aavakaaya.com - An Overview

ఆవకాయ.కామ్ నేటితో మూడు సంవత్సరాలు పూర్తి చేసుకుని నాలుగో ఏడాదిలోకి అడుగిడుతోంది.

గత విజయదశమి నుండి నేటి విజయదశమి వరకూ సాగిన ప్రస్థానాన్ని ఒకసారి అవలోకిస్తే...30 పైగా రచయితలు, 404 రచనల ద్వారా దాదాపు 800 పైగా పుటల సమాచారాన్ని అందించడం జరిగింది. 17,000 పైగా సందర్శకులు 90,000 పైగా పేజ్ వ్యూస్ చూసారు.

ఈ లెక్కలు ఇంటర్నెట్ లో ఆవకాయ పై పెరుగుతున్న అభిమానానికి నిదర్శనం. నూటికి నూరు శాతం సభ్యుల ద్వారా, పాఠకుల కోసం అందించబడుతున్న ఈ సమాచార స్రవంతి ఇలా ప్రవహిస్తూ ఉండడమే మా ఆశయం.

ప్రతిసారిలానే, గత సంవత్సరంలో కూడా ఆవకాయ.కామ్ కొన్ని సరికొత్త విషయాలను ఆవిష్కరించింది. అందులో ముఖ్యమైనది కొత్త ముఖపుటం. ఇందులో అందాని కంటే ఆనందానికే పెద్ద పీట వేయడం జరిగింది.

* ఆవకాయ.కామ్ కుటుంబానికే చెందిన ఇతర స్రవంతులైన Kajjaya.com, RadioChilli.net, Avakaaya Toolbar ఒకేచోట నుంచే చేరుకునే ఏర్పాటి చేయడం జరిగింది.

* Download Section ద్వారా ఆవకాయ.కామ్ ఇంటర్వ్యూలను, ఆడియో క్లిప్పులను, ఇతర పుస్తకాలను ఉచితంగా డౌన్ లోడ్ చేసుకోవచ్చు. ఆవకాయ సభ్యులు గానీ, పాఠకులుగానీ పుస్తకాలను PDF ఫార్మాట్ లో పంపించి, ఈ సెక్షన్ లో ఉంచవచ్చు.

* This Week That Year అన్న నూతన శీర్షిక ద్వారా గత సంవత్సరాలలో వచ్చిన ఆణిముత్యాల్లాంటి రచనలను సులభంగా చదవొచ్చు.

***************

అంతర్జాలంలో Real time interviews ప్రారంభించింది, నిర్వహిస్తున్నది ఆవకాయ.కామ్. గత సంవత్సర కాలంలో ఒక రియల్ టైమ్ ఇంటర్వ్యూను శ్రీ ఐ.వి.ఎన్.ఎస్. రాజు గారితో నిర్వహించడం జరిగింది.

గత విజయదశమి తర్వాత "The March of Ten Thousand" అనే 30 భాగాల చారిత్రిక ఆంగ్ల ధారావాహికను ప్రతి ఆదివారం అందించడం మొదలుపెట్టాం. ఇది చదువరులను బాగా ఆకర్షించింది. అదే ఒరవడిలో ఇప్పుడు "పల్నాటి వీరభారతం" 15 భాగాలను ప్రతి ఆదివారం అందించడం జరుగుతోంది. మరిన్ని ఉత్తమ రచనలను weekly serials గా అందించాలని భావిస్తున్నాం. అలానే RadioChilli.net ద్వారా శబ్దపుస్తకాలను (audio books) అందించే ప్రయత్నం కూడా మొదలుపెట్టాం. ప్రయోగాత్మకంగా "పల్నాటి వీరభారతం" మొదటి ఐదు అధ్యాయాలను ధ్వనిముద్రణ చేసాము. ఈ ప్రయోగాన్ని కూడా నెటిజన్లు ఆదరించారు. ఇప్పటి దాకా 150 పైగా శ్రోతలు ఈ ధ్వని ముద్రణను విన్నారు. కొద్దిమంది శ్రోతలు ఈ ప్రయత్నాన్ని కొనసాగించాల్సిందిగా అడుగుతూ ఈమైల్స్ పంపారు. వారికి మా కృతజ్ఞతలు.


ఆవకాయ.కామ్ బ్లాగ్ ను, రేడియోచిల్లి.నెట్ బ్లాగును ప్రారంభించాం. తద్వారా బ్లాగర్ ప్రపంచానికి ఆవకాయ రచనలను దగ్గర చేసే అవకాశాన్ని పొందాం.

కొద్ది నెలల క్రితం సహృదయులు, శ్రేయోభిలాషులు సాంకేతిక పరమైన కొన్ని అమూల్యమైన సూచనలు చేసారు. ముఖ్యంగా ప్రస్తుతమున్న కోడింగ్ లో ఉన్న దోషాల నివృత్తి అవసరాన్ని నొక్కి చెప్పారు. ఆ దోషాలను పరిహరించే దిశలో మా బృందం ప్రయత్నాలను మొదలుపెట్టింది. రాబోయే కొన్ని నెలల్లో ఆ లోపాలన్నింటినీ సరిచేసే ప్రయత్నాలు ఓ కొలిక్కి రాగలవు.

అప్పటిదాకా మాతో సహకరించి, ప్రోత్సహిస్తారని ఆశిస్తూ...ప్రతి ఒక్కరికీ మా ధన్యవాదాలు తెలుపుకుంటున్నాము.

శుభాభినందనలతో
ఆవకాయ.కామ్ సంపాదక బృందం